Su cìrculu “Su Nuraghe” de Biella si-ndi prexat de s’afillamentu de is Arrègulas de sa Provìntzia de Casteddu chi cun d-una detzisioni stòrica e pigada e totòmini, ddu torraus a nai ca nci dexit, at stabilèssiu de imperai custu standard po sa scridura de sa fueddada campidanesa de sa lìngua sarda. Su prexu de custus fradis nostus e finsas su prexu nostu, ca seus sigurus ca si seus incarreraus in sa caminera giusta po unu caminu de unioni de is Sardus arrespetendi s’arrichesa de su sardu. Una lìngua sarda a duas normas, custa est sa polìtica linguìstica nosta e sa polìtica linguìstica chi is Sardus etotu ant mandau ainnantis finas a oi e chi duncas agradessint. Su caminu nostu si movit cunforma a sa lei 482/99, chi chistionat de fueddadas stòricas, e duncas campidanesu e logudoresu, e no de imbentus chi no tenint literadura e chi is Sardus no ant a arriciri mai.
Is disterraus sardus po sa dòpiu norma
Donai su 5×1000 a s’Acadèmia de su Sardu Onlus
Ocannu puru fait a donai su 5 x 1000 a is assòtzius ONLUS, che a s’Acadèmia de su Sardu, chi de su 2009 est faendi faina de bolontariau in totu su chi pertocat su stùdiu, sa circa, sa defensa, su spainamentu e s’apretziamentu de sa Lìngua sarda, imperendi po su prus sa faina personali, boluntària e a gratis de is […]
Sa segundu dii de su de XXIX Prèmius Literàrius “Giusepi Dessì” intitulada a sa memòria de Sarbador Àngiulu Spano
Mèrcuris su 17 de cabudanni Biddaxidru at bòfiu intitulai sa segundu dii de su de XXIX Prèmius Literàrius “Giusepi Dessì” a sa memòria de Sarbador Àngiulu Spano, un’àteru òmini chi, comenti a Giusepi Dessì, at donau onori a sa bidda de su Campidanu de Mesu. A is 6 de a merii a s’Auditorium de Santa Bàrbara nd’ant fueddau in d’un’atòbiu mannu […]
Su 5 po milli po s’Acadèmia
Sòtziu e amigu stimau, de ocannu teneus sa possibilidadi de agiudai s’Acadèmia de su Sardu onlus, intreghendi-ddi cun sa decrarada de is arrendas (CUD , 730/1-bis redditi , UNICO persone fisiche), su 5 po milli. Tocat sceti a ponni sa firma tua e su còdixi 92165530921 in su cuadru ‘sostegno del volontariato, delle organizzazioni non lucrative di utilità sociale’. Gràtzias […]
Is Arrègulas in “Art Report”
De unas cantu cidas in s’arrevista de arti “Art Report” ddoi at un’artìculu in sardu apitzus de sa lìngua sarda e de àteras chistionis. Sa faina est a incuru de Oresti Pili, chi, mancu a ddu nai, est scriendi-ddu cunforma a is Arrègulas. Is aprètzius nostus bandant a Art Report chi at fatu custu sceberu giai chi, sendi un’arrevista de […]
Is Arrègulas in Cabuderra
In Cabuderra su comunu at apariciau duus cursus de formatzioni in lìngua sarda po is dipendentis comunalis, cun sa tenta de afortiai s’imperu de su sardu aìnturu de s’aministratzioni pùbrica. Funt finantziaus cun su dinai de sa lei 482/99. Is letzionis funt su martis e sa giòbia a mangianu. Su maistu est Màssimu Madrigale chi at a imperai is Arrègulas […]
Leave a comment