Paolo Zedda

Nàscïu in Sìnnia in su 1964, fait parti de su giru de is poetas improvisadoris professionistas de su 1997.

De su 2006 a su 2009 insènniat Etnomusicologia a s’Universidadi de is Stùdius de Casteddu; reladori in cunferèntzias e seminàrius natzionalis e internatzionalis, at scritu prus de unu sàgiu po sa lìngua e sa poesia de Sardìnnia.

In mesu a unus cantu de pubricatzionis, s’arregordant custas:

  •  “1.000 mutetus cagliaritani” scritu impari a Gianni Stocchino, ed. Arkadia, 2017;
  • “Enciclopedia della musica sarda, vol 11”. cun Marco Lutzu ed. L’Unione Sarda, 2013;
  • “L’arte dei mutetus” pubricau in su 2009 in sa sèrie fata de su “Dipartimento di Filologia” de s’Universidadi de Siena;
  • “Mutetus frorius e anninnias”, NAE primavera 2005.

Imbentori e diretori artìsticu de s’arrassìnnia “Musas e Terras” me is editzionis vàrias, dedicada a s’improvisatzioni poètica in su mundu.

Est fintzas produtori, e podeus arregordai custus traballus:

  • Su grupu “Tenores de Oniferi” me is arregortas in CD A “S’Omine”, “A S’andira“, “Tenores de Oniferi, Poliphonic singing from Sardinia” (prodùsiu in USA impari a sa casa discogràfica  “Music of the World”);
  • Andrea Pisu in su CD Pass’’e tresi;

Consulenti artìsticu e autori cun àterus po is produtzionis “Ricercare”, “Ricercare 2”, “Ricercare 3” (mùsica clàssica cuntemporànea).

At organizau, impari a Music of the World, unus cantu de cuncertus in USA po su cantu a tenore e launeddas

  • Su Bentu Estu, 1992 e 1994 ;
  • Quatru diis a tenore, 1993
  • Sa festa de s’atongiu, 1996;
  • In arregordu de Allicu Seui, 1995, 1998
  • Musas e Terras, atòbiu internatzionali, 2002
  • Musas e Terras, atòbiu internatzionali, 2004

Fait parti de medas grupus e assòtzius chi s’incurant no scéti de mùsica ma fintzas de lìngua sarda in generali:

  • Sòtziu de s’assòtziu “Amici della Musica”;
  • Consulenti de su Comitau Scientìficu po sa Norma Campidanesa de su Sardu Standard;
  • Sòtziu e consulenti de s’ “Accademia della Lingua Campidanese”
  • Sòtziu fundadori de sa “Fondazione Cicitu Masala”;
  • Sòtziu de ARCOS (Associazione Ricercatori della Cultura Orale della Sardegna)
  • Sòtziu de s’assòtziu “Ricercare” (Mùsica clàssica cuntemporànea);
  • Presidenti de s’assòtziu “Su Bentu Estu”,
  • Sòtziu de sa giuria in su prèmiu literàriu “Su Mutetu”, Quartu Sant’Elena, 2007;
  • Sòtziu de sa giuria in su prèmiu literàriu “Santa Barbara”, Silius, de su 2004;
  • Sòtziu de sa giuria in su prèmiu literàriu “Su Fermentu”, Sinnai, de su 2002.
  • Presidenti de s’assòtziu “Is Cerbus” de su 1994;

Come desideri visualizzare il sito web ?