Paolo Zedda

Nàschidu in Sìnnia in su 1964, faghet parte de su ziru de sos poetas improvisadores professionistas dae su 1997.

Dae su 2006 a su 2009 imparaiat a sos istudiantes Etnomusicologia a s’Universidade de sos istùdios de Casteddu; reladore in cunferèntzias e seminàrios nassionales e internassionales, at iscritu prus de unu sàgiu pro sa limba e sa poesia de Sardìnnia.

In mesu a medas pubricassiones, s’amentan custas:

  • “1.000 mutetus cagliaritani” iscritu paris a Gianni Stocchino ed. Arkadia, 2017;
  • “Enciclopedia della musica sarda, vol 11”, cun Marco Lutzu ed. L’Unione Sarda, 2013;
  • “L’arte dei mutetus” pubricadu in su 2009 in sa sèrie fata dae su “Dipartimento di Filologia” de s’Universidade de Siena;
  • “Mutetus frorius e anninnias”, NAE primavera 2005.

Imbentore e diretore artìsticu de “Musas e Terras” in edissiones vàrias, dedicada a s’improvisada poètica in su mundu.

Est fintzas produidore, e podimus amentare custos tribàllios:

  • Su grupu “Tenores de Oniferi” in regortas CD A “ S’Omine”, “A S’andira”, “Tenores de Oniferi, Poliphonic singing from Sardinia” (produidu in USA paris a sa casa discografica “Music of the World);
  • Andrea Pisu in su CD Pass’e tresi;

Consulente artìsticu e autore cun àteros pro sas produssiones “Ricercare”, “Ricercare 2”, “Ricercare 3” (mùsica clàssica cuntemporànea).

At ordinzàdu, paris a Music of the World, cuntzertos in USA pro su cantu a tenore e trubeddas.

  • Su Bentu Estu, 1992, 1994;
  • Quartu diis a tenore, 1993
  • Sa festa de s’atongiu, 1996;
  • In arregordu de Allicu Seui, 1995, 1998
  • Musas e Terras, atòbiu internatzionali, 2002
  • Musas e Terras, atòbiu internatzionali, 2004

Faghet parte de medas grupos e assòtzios chi si curan non de sa mùsica ebbia ma fintzas de sa limba sarda in generale:

  • Sòtziu de s’assòtziu “Amici della Musica”;
  • Consulente de su “Comitau Scientìficu po sa Norma Campidanesa de su Sardu Standard”;
  • Sòtziu e consulente de s’ ”Accademia della lingua Campidanese”;
  • Sòtziu fundadore de “Fondazione Cicitu Masala”;
  • Sòtziu de ARCOS (Associazione Ricercatori della Cultura Orale della Sardegna);
  • Sòtziu de s’assòtziu “Ricercare” (Musica classica contemporanea);
  • Presidente de s’assòtziu “Su Bentu Estu”;
  • Sòtziu de sa giuria in su prèmiu literàriu “Su Mutetu”, Quartu Sant’Aleni, 2007;
  • Sòtziu de sa giuria in su prèmiu literàriu “Santa Barbara”, Silius, de su 2004;
  • Sòtziu de sa giuria in su prèmiu literàriu “Su Fermentu”, Sìnnia, de su 2002.
  • Presidente de s’assòtziu “Is Cerbus” de su 1994.

Come desideri visualizzare il sito web ?

Comente lu cheres bìdere su zassu web?