Sa Razza – QUILO

Sa truma incumintzat a sonai in su 1991 faendi su primu discu mix de 12″: In sa Ia e Castia In Fundu. Quilo (su cabu), partit a Torinu e connoscit a Tristano Ferrero, Tritza, Dj e produsidori. Impari fundant s’eticheta Undafunk e cun custa pubbricant un’amesturu de 12″: Vero Sardo G chi fueddat de “s’urrei de su supramonti Records brabaxinu” Graziano Mesina e Adesso Scrivo un Testo de Ruido.

Sighit su segundu discomix de Rawl Mc: Nudo e Crudo anca is Sa Razza funt is stràngius (ospiti). Quilo torrat in Sardìnnia e fundat sa Rhyme Racket, cun s’idea de fai sa primu eticheta discogràfica sarda po s’hip hop. Sa primu produsidura sua est su micro-cd de La Fossa chi bessit cun su pròpiu nòmini. In su 1998 sa Undafunk pubbricat su discu Sampla98 innui is Sa Razza ddoi funt cun sa cantzoni Si può fare di meglio. A sa truma s’aciungit su mc e produsidori giòvunu Raio de Igrèsias, Micio P e Dj Nike.

In su 2001 pubbricant po Cinenova Records su cd E.Y.A.A.. S’annu infatu produsint unu EP intitulau Itta Ee!.In su 2003 bessit invècias Grandu Festa e cun custu discu si serrat sa sperièntzia de custa truma chi no est mai abarrada agoa po su chi spetat a spàssiu e ironia. ” Eus incarrerau a fueddai de chistionis sotzialis, po circai de portai a su pùbbricu su stai mali e is chèscias chi ddoi fiant in cussu tempus. E paris, pensu chi sa mùsica siat sprèviu, duncas ddoi est stètiu su logu po su spàssiu e s’ironia (Quilo)”.

De sa sperièntzia de Sa Razza funt nàscius is Malos Cantores.

Come desideri visualizzare il sito web ?

Comenti ddu bolis biri su giassu web?