Sa Razza – QUILO

Sa truma incomintzat a sonare in su 1991 faghende su primu discu mix de 12”: In sa Ia e Castia In Fundu. Quilo (su capu), partit a Torinu e connoschet a Tristano Ferrero, Tritza, Dj e produidore. Paris fundan s’eticheta Undafunk e cun custa pubrican una mistura de 12” ero Sardo G chi faeddat de “s’urrei de su supramonti Records brabaxinu” Graziano Mesina e Adesso Scrivo un Testo de Ruido.

Sighit su segundu discomix de rawl Mc: Nudo e Crudo chi in Sa Razza sun sos istranzos (ospiti). Quilo torrat in Sardìnnia e fundat sa Rhyme Racket, cun s’idea de fàghere sa prima eticheta discogràfica sarda pro s’hip hop. Sa prima produssione sua est su micro-cd de La Fossa chi essit cun su matessi nòmene. In su 1998 sa Undafunk pubricat su discu Sampla98 inue in Sa Razza bi sun cun sa cantone Si può fare di meglio. A sa truma s’azunghet su mc e produidore zòvanu Raio de Igrèsias, Micio P e Dj Nike.

S’annu infatu produin unu EP intituladu Itta Ee!. In su 2003 imbetzes Grandu Festa e cun custu discu si serrat s’isperièntzia de custa truma chi no est abarrada a coa pro su chi tocat su disaogu e s’ironia. “ Eus incarrerau a fueddai de chistionis sotzialis, pro circai de portai a su pùbbricu su stai mali e is chèscias chi ddoi fiant in cussu tempus. E paris, pensu chi sa mùsica siat sprèviu, duncas ddoi est stètiu su logu po su spàssiu e s’ironia (Quilo)”.

Dae s’isperièntzia de Sa Razza sun nàschidos sos Malos Cantores.

Come desideri visualizzare il sito web ?

Comente lu cheres bìdere su zassu web?