Bujumannu

Simone Pireddu, Bujumannu, si presentat po sa primu borta in su palcu in su 1990 cun is Noize Posse una truma rap serramannesa. In su 1996 fundat cun Skaetta, Diego Asuni e Cristian Dettori is Skami Ska, unu de is primus trumas Ska-Reggae de Sardìnnia. De su 1996 a su 2002 cun custa truma fait 2 cd (Sogno la Giamaica in su ’98 e Fusivisibilmente in su ’99) e sonant peri sa Sardìnnia, in Continenti e in Svìtzera). De chi si sciùsciant is Skami Ska, Bujumannu cun s’amigu Andria Skaetta, fundant is Radio Island e cun custa cambarada fait unu cd Demo cun sa cantzoni In Su Coru.

Sèmpiri cun is Radio Island in s’istadi de su 2004 incarrerat una tournée in Sardìnnia e in Tàtari connoscit una pariga de cumponentis de unu truma, chi insaras fiat “scapendi a pei” ma chi in pagus annus at a bessiri de importu mannu in sa scena reggae in Itàlia, is Train To Roots de Tàtari. Ancora oi fait parti de is Train To Roots. In is cantzonis suas fatuvatu fueddat de Sardìnnia indipendenti…

Come desideri visualizzare il sito web ?

Comenti ddu bolis biri su giassu web?