Kenze Neke

Fundadoris de sa truma funt Enzo Saporito e Sandro Usai (agoa s’aciungint Toni Carta e apustis ancora, chi intrat e chi si-ndi andat: Guido Forlano, Massi Circelli, Massimo Loriga, Stefano Ferrando, Claudio Roccia, Gavino Murgia, Antonello Cossu, Massimo Balvis). Pubbricant su primu demo tape, Chin Sas Armas o Chin Sas Rosas cun Luciano Sezzi a su sax: 8 “arrastus” cun s’omònima Kenze Neke e Americanos, A Balla Chi Bos Bokene, cantzoni chi si chèsciat po sa Nato in Sardìnnia.

Su sonu de sa truma si-ndi strebeddat donendi vida a un’amesturu originali de rock, punk, reggae, metal, ska e mùsica sarda, sonendi launeddas, sonetu, trunfa, a prus de cantai in sardu. In su 1992 bessit Naralu! De Uve Sese. Est craru duncas s’impìnniu polìtigu-sotziali forti: contras a sa tzerachia militari e is malis che su disimpreu, s’àrculu (Prusu a fundu), sa droga (Non ti Kerjo), e su serbìtziu militari (Tempus Pertu). Bessit su bellu cd dòpiu Boghes de Pedra anca si biit ca sa truma est crèscïa meda. Faint spetàculus in totu s’ìsula, Itàlia e Europa. Est de su 1996 su mini-cd Gherramus Tott’impare, in collaboratzioni cun is Askra.

In su 1998 bessit Liberos, Rispettatos, Uguales, cun is cantzonis Entula, Liberos, Gridu e Vittoria. In su 2006-08 funt torra impari a is Askra cun Artziati Entu. Infinis in su 2006 faint un cuntzertu stravanau in Sabarussa (OR) produsendi unu cd dòpiu.In su 2007 sonant in Berlinu po sumovimentu contras a su G8”. De is Kenze Neke nascint, finsas cun genti noba e in tempus diferentis: KNA (Askra e Kenze Neke), Tzocu.

Come desideri visualizzare il sito web ?