Kenze Neke

Kenze Neke

(Thiniscole, 1989)

F

undadores de sa truma fin Enzo Saporito e Sandro Usai (apustis s’azunghen Toni Carta e ancora, che intrat e si-che andat Guido Forlano, Massi Circelli, Massimo Loriga, Stefano Ferrando, Claudio Roccia, Gavino Murgia, Antonello Cossu, Massimo Balvis). Pubrican su primu demo tape, Chin Sas Armas o Chin Sas Rosas cun Luciano Sezzi a su sax: 8 arrastos cun s’omònima Kenze Neke e Americanos, A Balla Chi Bos Bokene, cantone chi si lamentat pro sa NATO in Sardìnnia. Su sonu de sa truma si-nde istrobojat dande vida a una mistura originale de rock, punk, reggae, metal, ska e mùsica sarda, sonande trubeddas, sonete, trunfa, e prus su cantu in sardu. In su 1992 essit Naralu! De Uve Sese. Est craru su reminu polìticu-sotziale forte: contra a sa terachia militare e sos males de su disimpreu, s’àrcolu (Prusu a fundu), sa droga (Non ti kerjo), e su servìtziu militare (Tempus Pertu). Bessit su bellu cd dòpiu Boghes de Pedra inue si bidet chi sa truma est crèschida meda. Faghen ispetàculos in totu s’ìsula, Itàlia e Europa. Est de su 1996 su mini-cd Gherramus Tott’impare, cun s’azudu de sos Askra. In su 1998 bessit Liberos, Rispettatos, Uguales, cun sas cantones Entula, Liberos, Gridu e Vittoria. In su 2006-2008 fin torra paris a sos Askra cun Artziati Entu, pro finis in su 2006 faghen unu cuntzertu ispantosu in Sabarussa (OR) produinde unu cd dòpiu. In su 2007 sonan in Berlinu pro su “movimentu contras a su G8”. Dae sos Kenze Neke naschen, fintzas cun zente noa e in tempos difarentes: KNA (Askra e Kenze Neke), Tzocu.

Cumpartzi

Share on facebook
Facebook
Share on whatsapp
WhatsApp
Share on email
Email

Unu progetu cun su contribudu de sa Fondazione di Sardegna

Còmpora su lìburu de
SU SARDU, LÌNGUA
DE EUROPA