Antoni Pani

Nàscïu in Quartu Sant’Aleni su 6 de su mesi de austu 1962. Incumentzat a 19 annus cumenti cantadori campidanesu, s’atòbiat e cantat cun poetas de su tempus, cumenti Giuanni Broi de Igrèsias, Rafaelli (Fieli) Urru de Burcei, Enea Danese de Pauli, Marcellu Matta de Domusnoas.

De su 1998 a su 2002 est stètiu professori de is cursus de poesia campidanesa in su Comunu de Quartu Sant’Aleni e at collaborau cun calincuna scola po fai connosci sa traditzioni de sa poesia cantada.

Impari a Emanuele Saba e Paolo Zedda in su mesi de donniasantu de su 2003 at rapresentau s’Itàlia a s’atòbiu mundiali de poesia improvisada chi s’est fata me is Paisus Bascus.

Cun is Argia (A.Balia, E.Frongia, M.Perra), at collaborau po su “Bàsciu e Contra” innui sa poesia improvisada s’amesturat a sa mùsica mediterrànea. Agoa fundat su grupu IDRAS.

Impari a is musicistas Samueli Secci, Màssimu Serra e Franciscu Contu, faint su cd A sa luna, cun 9 cantzonis.

Autori de “Su scrinniu de Campidanu” (1999), “Sulcis e Campidanu” (2000), “S’arrundili” (2001), “Cumbidu” (2003), “Bàsciu e contra” (2005), “Morigus” 2011, “A sa Luna” (2011) e “Baddai in sa festa” (2012).

De su 2013 est presentendi me is pratzas de is biddas su spetàculu “Tradinnovazione”.

Cun su grupu “NUR” svilupat su cantu in lìngua impari cun sa mùsica araba e sa cultura pop e sa mùsica eletrònica contemporànea fora de si scaresci de sa poesia improvisada.

S’ùrtimu traballu discogràficu, “Rimas” dd’at prodùsiu sa Progeo Edizioni e in duus branus ddoi est sa collaboratzioni de Davide Van de Sfroos. (p)

Come desideri visualizzare il sito web ?