Antoni Pani

Nàscïu in Quartu Sant’Aleni su 6 de su mesi de austu 1962. Incumentzat a 19 annus cumenti cantadori campidanesu, s’atòbiat e cantat cun poetas de su tempus, cumenti Giuanni Broi de Igrèsias, Rafaelli (Fieli) Urru de Burcei, Enea Danese de Pauli, Marcellu Matta de Domusnoas.

Dae su 1998 a su 2002 at fatu de professore in sos cursos de poesia campidanesa in su Comune de Quartu Sant’Aleni, e at dadu una manu de azudu a carchi iscola pro fàghere connòschere sa tradissione de sa poesia cantada.

. Paris cun Emanuela Saba e Paolo Zedda in su mese de santandria de su 2003 at rapresentadu s’Itàlia a s’atopu mundiale de poesia improvisada chi s’est fata in sos Paisos Bascos.

Cun sos Argia (A. Balia, E. Frongia, M. Perra) at collaboradu pro su “Bàsciu e Contra” inue sa poesia improvisada si miscrat a sa mùsica mediterrànea. Posca fundat su grupu IDRAS.

Paris a sos musicistas Samuele Secci, Massimu Serra e Frantziscu Contu, faghen su cd A sa luna cun 9 cantones.

Autore de “Su scrinniu de Campidanu” (1999), “Sulcis e Campidanu” (2000), “S’arrundili” (2001), “Cumbidu” (2003), “Basciu e contra” (2005), “Morigus (2011”, “A sa Luna (2011), e “Baddai in sa festa” (2012).

Dae su 2013 est presentande in sas piatas de sas biddas s’ispetàculu “Tradinnovazione”.

Cun su grupu “NUR” isboligat su cantu in limba sarda paris cun sa mùsica araba e sa cultura pop e sa mùsica eletrònica de custu tempus fora de s’ismentigare de sa poesia improvisada.

S’ùrtimu tribàlliu discogràficu “Rimas” l’at produidu sa Progeo Edizioni e in duos branos b’est s’azudu de Davide Van de Sfroos. (p)

Come desideri visualizzare il sito web ?

Comente lu cheres bìdere su zassu web?