Stranos Elementos

Nascint in su 2003 e finas a oi ant prodùsiu 3 discus originalis pighendi parti a medas live set. Portant ainnantis su rap pruschetotu in sardu logudoresu e polthutorresu. Oi custa truma est cumposta de 4 artistas: Rd, Okio e Zianu e unu Dj/Produsidori Dj Ek. Is versus, birtudosus in sa tènniga, contant sa bisioni insoru de s’ìsula sarda e de is chistionis de sèmpiri: econòmicas, culturalis e polìtigas. Is rimas de is Stranos Elementos fueddat de libbertadi, de arresistèntzia artìstica, de incuinamentu, de tzerachias militaris e de stòrias bìvias, de batallas fatas de issus etotu in campu. Oro, Incenso e Quirra est unu discu arricu de collaboratzionis de importu.

In custu tempus stòricu de su rap anca a cumandai funt is views, is castiadas, e no su suci, tenaiaus cosas meda de nai e eus detzìdiu de ddu fai sèmpiri a sa moda nosta cun bona paxi de medas puristas de su rap“, e, ” po nosu sa mùsica, a prus de essi cosa praxili, est finsas unu mèdiu po fai sciri is cosas chi est malu meda a censurai e tentu contu ca biveus in d-unu tempus de fàulas, fake news , si seus torraus a pigai sa responsabbilidadi de acapiai su rap a sa vida de dònnia dii po ddu ponni a su costau de is chi gherrant.

Come desideri visualizzare il sito web ?

Comenti ddu bolis biri su giassu web?