Enzo Espa

(Nùgoro, 1919 – Tàtari, 2014) 

E

nzo Espa fiat unu scridori, etnòlogu e professori. Fiat nàscïu in Nùgoro in su 1919 e est mortu in Tàtari in su 2014. S’est laureau in Lìteras in s’Universidadi ‘La Sapienza’ de Roma, torrau in su 1954 in Sardìnnia at fatu su professori in d-unu istitudu magistrali de Tàtari, tzitadi aundi at bìviu. Po prus de dexi annus at fatu su presidenti de sa Sotziedadi Dante Alighieri. Po meda tempus at traballau che a currispundenti po su giorronali «La Nuova Sardegna». Fiat unu grandu stimadori de sa Lìngua sarda e difatis Espa est connotu po sa faina de lessicografia chi at scritu. Famau meda in totu sa Sardìnnia e, no scéti, est difatis connotu po su «Dizionario Sardo-Italiano dei parlanti la lingua logudorese». Custu ditzionàriu est de importu mannu po sa connoscèntzia de su sardu logudoresu.