Giampiero Marras Zuanne Pedru Marras (Zampa)

Giampiero Marras Zuanne Pedru Marras (Zampa)

 


(Othieri, 1935)

Z

uanne Pedru Marras-Meloni connotu fintzas cun su nòmene de Zampa Marras est nàschidu in Otieri in su 1935. Est meda famadu in su mundu de sa cultura sarda, pruscheàteru in su mundu de su movimentu linguìsticu sardu e de sa polìtica de su sardismu indipendentista. Fizolu de s’indipendentista Antoni Simon Mossa (a.) su fundadore de su ‘neosardismu’ o ‘sardismu indipendentista’ o ‘segundu sardismu’. At pro cussu eredadu dae Simon Mossa totu s’amore pro sa Sardìnnia, pro sa cultura sarda e pro sa Limba sarda. At fatu parte de su Partidu Sardu dae su 1951 a su 1976 e posca dae su 1984 a su 1994. Pustis est intradu in su mese-de-Sant’Andria de su 1994, a fàghere parte de su movimentu polìticu Sardigna Natzione finas a pagos annos faghet cando at decididu de ponner a banda sa polìtica ativa.
In su mese-de-abrile de su 1971 at mandadu adenanti su primu assòtziu culturale pro sa defensa, abaloramentu e afòrtigu de sa Limba sarda, faeddada e iscrita: «S’Iscola Sarda›› est a nàrrere sa prima “fundassione etno-culturale de sa Nassione Sarda”. S’Iscola Sarda est fata de chimbe cambas: cussa linguìsticu-culturale, cudda teatrale, sa de sa mùsica, sa de su Connotu e pro finis sa radiofònica-televisiva. Como S’Iscola Sarda sighit sa gherra culturale pro pòdere sighire a tènnere bia sa Limba sarda e in s’atopu de Cabuderra “Riflessioni su una standardizzazione moderna e democratica del Sardo” (de su 30 de maju de su 2007) cun d-una lìtera at revudadu in modu ufissiale s’avansada regionale de sa Limba Sarda Comuna. Pro contra “S’Iscola Sarda” avansat comente norma ortogràfica normada s’ortografia leada dae su sardu impreadu in sa Carta de Logu. In su 1976, umpare a Antonio Lèpori (a.) at fundadu sa «OSSN›› est a nàrrere “Organisassyone Sotzialista Sardìnnya Nassyone” (unu movimentu pro sa libertade e s’indipendèntzia de sa Sardìnnia).
Zampa Marras faghet parte de su Sindicadu CSS (Cunfederatzione Sindacale Sarda). Como Zampa Marras est impinniadu a istèrrere s’Òbera omnia dedicada a su mastru sou Antoni Simon Mossa.
Sas òberas prus de importu «Manzanile duminigale in Limba Sarda Nassionale›› (programa radiofònicu in sardu de su 1976); relata in limba sarda de Zampa Marras in s’atopu de Casteddu de su 1982 «La lingua sarda ieri e oggi››; «La lingua nazionale sarda del periodo delle libertà giudicali›› (Alfa Editrice).

Cumparti

Share on facebook
Facebook
Share on whatsapp
WhatsApp
Share on email
Email

Unu progetu cun su contribudu de sa Fondazione di Sardegna

Còmpora su lìberu de
SU SARDU, LÌNGUA
DE EUROPA