“Ite nobas” su programa de Toninu Bussu in “Radio Nùgoro Centrale” at chistionau de s’avotu de sa Provìntzia de Casteddu apitzus de is “Arrègulas”. Gràtzias a Toninu e a su programa de issu po s’importu chi at donau a custu acontèssiu. Ligei-sì sa nova innoi in bàsciu.

Die de importu mannu oje in Casteddu pro sa limba campidanesa

Ischimus chi medas puntan a una limba sarda unificada, mentres ateros marcan chi est zustu a mantenner sa doppia norma de su logudoresu in su capu de susu e su campidanesu in su capu ‘e josso.

Pacu prus de un annu fachet est naschia s’Academia pro sa limba sarda chi est gherrande pro defender siat su logudoresu e siat su campidanesu.

E pro mustrare chi su campidanesu tenet istoria, tradissiones e regulas, an pubblicau unu libru cun sas normas de su campidanesu.

E oje però est una die de grandu importu ca su cossizu provinciale de Casteddu faghet sua ufficialmente sa norma campidanesa e at a botare de poder impreare in sos attos suos in limba sarda sas ‘Arregulas po ortografia, fonetica, morfologia e fueddariu de sa norma campidanesa de sa limba sarda’ iscrittas dae su comitau iscientificu pro sa norma campidanesa de su sardu standard.

Duncas si su cussizu provinciale de Casteddu at a facher attos o pubblicassione in limba las fachet ponende in mente a custas normas iscrittas dae su comitau iscientificu.

Como bisonzu de s’impignare pro facher in modu chi, pro narrer, su cossizu provinciale de Nugoro approvet sas regulas pro s’ortografia, fonetica, morfologia e fueddariu de sa norma logudoresa de sa limba sarda.

Lascia un commento

Una risposta a “Is Arrègulas in Nùgoro”

  • Frantziscu 11 anni fa

    Cantu teneus ke apetai po tenni giai is duas normas in totu sa Sardinnia?, su giai connotu “Comitaiu pro sa limba Sarda” ateru no faid ke ponni zizania a pitzu de is duas normas, narant ki est sceti po partziri a is Sardus … perou acantu parit ddoi at genti meda (in su cabu de susu puru) ki cumprendit s’idea de is duas norma…bhoo spereus beni, po arribai unu dii a tenni su Sardu me is scolas, de Casteddu finas a Tatàri.

In response to:

Is Arrègulas in Nùgoro

Il tuo indirizzo e-mail non sarà pubblicato. I campi obbligatori sono contrassegnati *

*

Come desideri visualizzare il sito web ?