Claudia Aru

Clàudia nosi contat su mundu anca est “nàscïa e pàscïa”, e chi duncas connoscit, cun irriverèntzia e ironia. Candu cantat tenit sèmpiri unu tràgiu teatrali e unu colori chi a bortas arregordat su tempus passau, ma sèmpiri cun modernidadi e bortas meda cun impìnniu sotziali. Issa cantat in inglesu, italianu e pruschetotu in sardu. Cun Arrogalla (Frantziscu Medda) fundat sa truma Bentesoi, chi sonat mùsica eletro-folk cun sonoridadis dub. Traballat impari a Sa Razza, Benitu Urgu, Randagiu Sardu, Elena Ledda, Rossella Faa, Orlandu Mascia, Marinu de Rosas.

In su 2012 nascit Aici unu discu sìngulu e Burdu Bu cun sa collaboratzioni de Joe Perrino. Apustis produsit A Giru a giru, Sa prus Bella, Pocos Locos y Mal Unidos. Vergogna-Bregùngia. In su 2015 sighit unu cursu de cantu jazz e aici cantat, scriit e produsit Momoti, anca intreverat funky, rock progressivu e blues alternativu e arrìtimus samba, balcan e swing. In su 2015 bincit cun sa cantzoni Fogu su prèmiu po sa mellus interpretatzioni a su Prèmiu Andrea Parodi. Presentat (impari a àterus artistas) su Suns Sardigna e agoa su Suns Europe.

Come desideri visualizzare il sito web ?