Paola Dentoni

Est de is pagus cantadoras chi oi agataus in su palcu. At incumentzau po giogu de pitica, cumenti narat issa etotu, po sodigai e afinai custa passioni po totu sa vida.

De Ceraxus, fait parti de unu mundu artìsticu chi est fatu giai totu de òminis, e chi a calincunu s’idea de si cunfrontai e cantai cun d-una fèmina praxit, a àterus sa cosa no cumbincit meda.

Est crèscïa cun sa mùsica, su babbu acumpangiàt is cantadoris cun sa chitarra, fintzas a candu at incumentzau a cantai po contu suu e cun sa sorri.

At cantau cun poetas de importu, calincunu chi no s’agatat prus, cumenti Urru, Mascia, Pulloni, Danese. Cun custu at pubricau in su 2008 unu traballu intitulau “Mutetus Frorius”, in duas partis, cun s’acumpangiamentu de sa fisarmònica de Màssimu Perra.

Acumpangiada de sa chitarra o de is launeddas, cantat is mutetus, is duinas, sa cantzoni a curba, spainendi sa mùsica e sa poesia no scéti me is festas localis ma fintzas pighendi parti a progetus internatzionalis po sa poesia improvisada.

Sperendi chi is fèminas chi faint parti de custu mundu sodigant a si cunfrontai ma pruschetotu chi su nùmuru potzat cresci sèmpiri de prus.

Come desideri visualizzare il sito web ?