Paulu Pillonca

Pàulu Pillonca est nàschidu in Òsile s’8 de su mese de Santuaine de su 1942. Fit zornalista, iscritore, autore de obras teatrales. Si fit laureadu in s’Universidade de Casteddu in su cursu de lìteras e aiat fatu s’imparadore in s’iscola mèdia e in su liceu de Seui. Aiat triballiadu fintzas cun s’Universidade de Tàtari. At istudiadu sa poesia improvisada sarda pro prus de chimbant’annos. In su 1996 at imprentadu Chent’annos, cantadores a lughe ‘e luna, un’iscritu susu s’istòria de sa poesia a bolu, obra de importu mannu pro chie si cheret acostare a cust’arte populare antiga sarda

Est òmine chi at iscritu meda susu sos poetas mannos de Sardìnnia cale: Remundu Piras, Zusepe Sotgiu, Barore Sassu, Frantziscu Sale e Totoni Crobu. In su 1987 at azuadu paris cun Piero Marras ponende sa frima de s’album Funtanafrisca, in prus at dadu una manu de azudu pro su cd Tumbu de su 1995. Dae su 1978 a su 1988 fit responsàbile de sa redassione nuoresa de s’Unione Sarda. Chimbant’annos apustis at cumpostu sas cantones de s’album Animas torran de Francu Madau. Dae su 1988 a su 2000 at dirìgidu s’Ufìtziu Imprenta de sa Regione Sarda. Est mortu in Casteddu su 26 de maju de su 2018.

At imprentau: Fascismo e clero nel divieto delle gare poetiche, Cagliari, 1977; Sardegna segreta, cronache del villaggio, Roma 1986; Narat su diciu, Proverbi del popolo sardo, Cagliari 1987; Funtanafrisca, testus de totu is cantzonis in lìngua sarda de su discu omònimu de Piero Marras, Sassari, 1987;Caddos, tradizioni e miti equestri in Sardegna (fotu de Sarbadori Ligios, introdutzione de Giuanni Lilliu), Sassari, 1995; Tumbu, testus de cantzonis in lìngua sarda de su discu omònimu de Piero Marras, Sassari, 1995; Chent’annos, cantadores a lughe ‘e luna, Sassari, 1996, cuàtur’editzionis; Laras, cantones de lunas antigas,Cagliari 2001;Remundu Piras, il poeta della gente,Cagliari, 2003, primu imprenta in 2004; Il silenzio e la parola, Cagliari 2003; Peppe Sozu, Cagliari 2003; Remundu Piras, Cagliari 2003; Frantziscu Sale, nel solco degli aèdi, Cagliari 2004; Juanninu Fadda, Cagliari 2004; L’Isola del cuore, Cagliari, 2005; Bore Poddighe, Cagliari 2005; Antonandria, romanzu in lìngua sarda, Cagliari 2006; Mancarìas, ditzionàriu de sa fueddada de Seui, Cagliari 2006;Sedas lizeras, testus inèditus de is poetas biddanoesus, Cagliari 2006; Abbas de terra, testus inèditus de is poetas biddanoesus. Cagliari 2006; Madre Terra, Nonna Luna, Cagliari 2007; Collana Subra su palcu (ùndixi volumeddus) , Cagliari 2007; Il bandito senza colpa, Cagliari 2008; Remundu Piras Opera Omnia, Cagliari 2009; Vita di Samuele Stochino, Sassari 2009; Barore Sassu, Cagliari 2010; Antigone ( furriadura in sardu de s’òbera grega de Sofocle), Cagliari 2010; Salvatore “Boicu” Pianu de Cabuterra, Cagliari 2010; Libertade, diàriu italianu e versus sardus de su poeta antifascista desulesu Sarbadori Fais Fadda, Cagliari 2011;Aiace (furriadura in sardu de s’òbera grega de Sofocle), Cagliari, 2011;Beberè, la mufla dalle due vite,Cagliari, 2013.

Come desideri visualizzare il sito web ?

Comente lu cheres bìdere su zassu web?