Pàulu Pillonca

Pàulu Pillonca est nàscïu in Òsile s’8 de su mesi de ladàmini de su 1942. Fut giorronalista, scridori, autori de òberas teatralis. Si fut laureau in s’Universidadi de Casteddu in su cursu de Lìteras e iat fatu s’imparadori in sa scola mèdia e in su liceu de Seui. Iat traballau cun s’Universidadi de Tàtari puru. At studiau sa poesia improvisada sarda po prus de cincuant’annus. In su 1996 at imprentau Chent’annos, cantadores a lughe ‘e luna, unu scritu apitzus de sa stòria de sa poesia a bolu, òbera de importu mannu po chini si-nci bolit acostai a cust’arti populari antiga sarda.

Est òmini chi at scritu meda apitzus de poetas mannus de Sardìnnia che: Remundu Piras, Giusepi Sotgiu, Barore Sassu, Frantziscu Sale e Totoni Crobu. In su 1987 at collaborau impari a Pieru Marras firmendi is testus de s’album Funtanafrisca, in prus iat collaborau po su cd Tumbu de su 1995. De su 1978  a su 1988 fut responsàbili de sa redatzioni nugoresa de s’Unione Sarda. Cuàtur’annus apustis at cumpònniu is cantzonis de s’album Animas torran de Francu Madau. De su 1988 a su 2000 at dirìgiu s’Ofìtziu Imprenta de sa Regioni Sardìnnia. S’est mortu in Casteddu su 26 de maju de su 2018.

At imprentau:Fascismo e clero nel divieto delle gare poetiche, Cagliari, 1977; Sardegna segreta, cronache del villaggio, Roma 1986; Narat su diciu, Proverbi del popolo sardo, Cagliari 1987; Funtanafrisca, testus de totu is cantzonis in lìngua sarda de su discu omònimu de Piero Marras, Sassari, 1987;Caddos, tradizioni e miti equestri in Sardegna (fotu de Sarbadori Ligios, introdutzione de Giuanni Lilliu), Sassari, 1995; Tumbu, testus de cantzonis in lìngua sarda de su discu omònimu de Piero Marras, Sassari, 1995; Chent’annos, cantadores a lughe ‘e luna, Sassari, 1996, cuàtur’editzionis; Laras, cantones de lunas antigas,Cagliari 2001;Remundu Piras, il poeta della gente,Cagliari, 2003, primu imprenta in 2004; Il silenzio e la parola, Cagliari 2003; Peppe Sozu, Cagliari 2003; Remundu Piras, Cagliari 2003; Frantziscu Sale, nel solco degli aèdi, Cagliari 2004; Juanninu Fadda, Cagliari 2004; L’Isola del cuore, Cagliari, 2005; Bore Poddighe, Cagliari 2005; Antonandria, romanzu in lìngua sarda, Cagliari 2006; Mancarìas, ditzionàriu de sa fueddada de Seui, Cagliari 2006;Sedas lizeras, testus inèditus de is poetas biddanoesus, Cagliari 2006; Abbas de terra, testus inèditus de is poetas biddanoesus. Cagliari 2006; Madre Terra, Nonna Luna, Cagliari 2007; Collana Subra su palcu (ùndixi volumeddus), Cagliari 2007; Il bandito senza colpa, Cagliari 2008; Remundu Piras Opera Omnia, Cagliari 2009; Vita di Samuele Stochino, Sassari 2009; Barore Sassu, Cagliari 2010; Antigone (furriadura in sardu de s’òbera grega de Sofocle), Cagliari 2010; Salvatore “Boicu” Pianu de Cabuterra, Cagliari 2010; Libertade, diàriu italianu e versus sardus de su poeta antifascista desulesu Sarbadori Fais Fadda, Cagliari 2011;Aiace (furriadura in sardu de s’òbera grega de Sofocle), Cagliari, 2011;Beberè, la mufla dalle due vite,Cagliari, 2013.

Come desideri visualizzare il sito web ?