Rossella Faa

Cantante, cumponidora, cantastòrias, atora in sos ispetàculos-cuntzertu, cantat in sardu e italianu cun teatralidade manna e presèntzia iscènica, contos ispassiosos meda de sas fèminas de sas biddas. L’acumpanzat su contrabassista Nicola Cossu e su ghitarreri Giacomo Deiana. Sa cantone Cixiri, chi at fatu connòschere sos Balentes est fintzas opera sua. At triballiadu cun artistas che Piero Marras e Elena Ledda. Sos protagonistas de Rossella Faa sun fèminas chi naran ca sun o macas o intrande in tempus e ducas bagadias pro seberu o mancari pro paga sorte. De sas cantones-interpretatssione prus connotas mentuamus: Malloreddus cun bagna, Cannaca Macca, Bella Bella, Ta Bellu su Domminigu.

Cantat e contat sas chistiones ligadas a sa vida de onzi die cun sas milli bisuras e pizas suas cun originalidade manna chi dan recreu e faghen divertire s’ispetadore. Faghet parte de sa cumpanzia Teatro del Segno e est autora de mùsicas de iscena in prus de èssere atora. Tribàlliat fintzas cun sa cumpanzia Tragodia. Masuddesa, contat: “Cussu cabu de giossu chi cun sa cultura e lìngua stravanada cosa sua, a pipia m’at donau cosa meda, sighit a donai grandus ideas a sa pantasia cosa mia”, e sighit “ a 17 annus fia abarrada spantada e amainada de sa bossanova, de cussus arrìtimus e sonus de sa cultura de un’àteru sud de su mundu”.

In sos ispetàculos e discos b’at una bella mistura de jazz, salsa, pop, reggae, bossanova e sonos de su mediterràneu e sardos chi crean efetos musicales de incantu.

Come desideri visualizzare il sito web ?

Comente lu cheres bìdere su zassu web?