Ratapignatta

Sos Ratapignatta naschen in su 1998 in Casteddu. Est una truma fromada dae 10 artistas chi benin dae unas isperièntzias musicales e chi dividin su praghere pro su ska, su reggae e su rock steady. Sa mùsica issoro est una mistura de istiles, ritmos e sonos sèmpere cuncordados cun faeddos e rimas in limba sarda iscritos dae Lele (Emanuele) Pittoni, e chi faeddat de sos males, sos problemas e sos prègios de sa vida de onzi die. In 10 annos de tribàlliu che an jutu sa mùsica issoro in Sardìnnia e Itàlia aberinde fintzas sos cuntzertos de sos New York Ska Jazz Ensemble, Amparanaoia, Linea 77, Folkbbestia,Banda Bassotti… . Su primu discu Sighi Sighi est de su 2005 e su de duos est Son’e Magasinu, ambos produidos dae issos etotu, in custu discu b’aiat 10 cantones e unu remix de su dj/cumponidore eletrònicu Frantziscu Medda (Arrogalla).

Sighin a fàghere sèmpere cuntzertos meda leande parte a festival, sonande cun sos Marlene Kurz e leande parte a unu volume monogràficu (Atrus annus de su 2011), a sa regorta de s’Unione Sarda susu de su rock in Sardìnnia. In su 2012 essit Su Bandu. In su 2014 sun mentuados comente Best Live Act a su Suns Europe. In su 2015 essit Oru Siguru registradu in su Sonusville de Silìcua de Enrico Rocca e Willi Cuccu. Sa truma s’iscontzat in su 2018.

Come desideri visualizzare il sito web ?

Comente lu cheres bìdere su zassu web?