Gianluca Medas

(Casteddu, 1962)

I

scritore, autore, regista, atore, contadore, est s’erederu de s’ùnica famìllia sarda de artes, sos frades Medas. Est un’artista abistu, cantadore de sa terra sua ìstimada.
At fatu programas medas pro sa televisione, pruschetotu pro Videolina, Sardegna Uno e RAI Sardegna: “Sentidu”, “Su tempu Benidori” e “Filindeu” chi praghen meda a su pùbricu. At fatu puru “La Grande Madre”, “Talentu”, “Umbras”, i “Mostri in Mostra”, “Itinerando”, “Cara Sardegna”, “Il TG dei ragazzi” (prèmiu Ilaria Alpi), “Argo”, “Bator Moros” e “Sa vida”.
Comente atore de films at leadu parte a fainas de registas sardos e italianos: “Caccia Grossa” de Palma, “Nois totus” de D’Onofrio, “Disamistade” de Gianfranco Cabiddu (candidadu a su David de Donatello), “Il Figlio di Bakunin” de Cabiddu (in cuncursu a sa Mostra del cinema di Venezia), “Atto di Dolore” de Jo Bastardi, “Per Sofia” de Ilaria Paganelli, “Risvegli” de Maurizio Usai, “L’Alias” de Roberto Priamo Sechi, e su teleromanzu de RAI Uno “Frontiere” de Bernini cun Fabrizio Gifuni, “Lo stato delle Anime” de Peter Marcias e “Il Cinema” de Romano Usai.
Comente regista at fatu su documentàriu “Il Rumore del buio”, sos curtzos-metrazos animados “L’ultimo Mamuthone” (chi at leadu medas apretziamentos) e “Lianora”, arrividu in finale a su Giffoni film festival (2020).
Gianluca Medas est traballiende subra  su curtzu-metrazu nou “Angeli” e su documentàriu “Viajantes” e est fintzas cuncordende su primu longu-metrazu pro sa televisione, “Emilio Lussu”, cun s’atore Enrico Lo Verso.
Est diretore artìsticu de su Teatro Fratelli Medas, de Guasilla, de su Teatro Moderno de Pauli e de medas ispetàculos e festival peri totu sa Sardìnnia.
At cuncordadu ispetàculos teatrales in Italianu e in Sardu comente: “Fisici storie sulla bomba atomica”, “Processo ad Emilio Lussu”, “Angeli”, “Godot 2.0”, “Canale 16” (dedicadu a sa disgràscia de su piròscafu Moby Prince), “Il Caso Manuella” (dedicadu a sa isparèssida de s’abogadu casteddaju), “La Storia di Simon Mossa” e àteros. In Sardu at fatu sos ispetàculos leados dae sos lìberos de Giuseppe Dessì, cun s’azudu de sa Fondazione Dessì de Biddaxidru: “Il disertore”, “Paese d’ombre”, “I Passeri”, “Eleonora d’Arborea”, “Michele Boschino”, “San Silvano”, “Eleonora d’Arborea”.
In su 2019 cun su ispetàculu “Gurdones-Mammai Manna” at incomintzadu sa tournée in Tunisia pro la sighire in Rùssia, Libano, Singapore e Malèsia.
At fintzas fatu bàtoro contos dedicados a sa nàschida de sos partidos modernos.
At iscritu unos cantu romanzos: “Sardegna dei Sortilegi” (Newton Compton), “Le Frazioni del Moro” (Condaghes), “Le avventure di Flamingo” (Condaghes), e “Cammina Cammina” imprentau de sa RAS, “Schillellè” e “Mammai Manna” (Cuec) e “Paschedda Zau” prontu a èssere pubricadu.