Custu sàbudu in Gèsigu in su “Centro Servizi S’Ulivàriu” a is 6 de a merii, ant a presentai is “Arrègulas”. Ddu at a fai Emìdiu Còntini, su presidenti de su “Sistema Bibliotecario Joyce Lussu”. Impari cun issu ddoi at a essi finas Oresti Pili, su presidenti de s’Acadèmia de su Sardu onlus.
Canali Youtube
Eus incingiau su canali Youtube cun totu is filmaus chi eus a cuberai o produsi aingìriu de is chistionis nostas. Su link ddu agatais in bàsciu a manu dereta (in sa sidebar) ma si-ddu torraus a ponni innoi puru. Po imoi ddoi podeis agatai un’arrogu de su tg de Videolina cun sa presentada de Arrègulas. Canali Youtube
S’Acadèmia in Ollollai
Su presidenti Oresti Pili e su visu-presidenti Tonino Bussu ant a essi in Ollollai custu sàbudu po su cuncursu de su binu sardu, aundi ant a chistionai de is òperas de s’editori ‘Delfino’. Ddoi ant a essi finas duus bingiateris chi ant a contai de su traballu insoru in sardu e poesias in lìngua sarda. Programa
Prèmiu Literàriu de Cabuderra “tziu Boicu Pianu e tziu Firei Lai”
Su Comunu de Cabuderra at stabilèssiu unu cuncursu literàriu in lìngua sarda intitulau a is poetas cabuderresus “Tziu Boicu Pianu e Tziu Firei Lai”. Su concursu est apitzus de sa storiedda a sa manera de is contixeddus de Esopu, aundi is animalis bivint, fueddant e scramentant che a s’òmini. In sa storiedda s’agatat giai sèmpiri su scramentu postu po imparai. Sa […]
Adiosu a Tziu Fideli Lai
S’Acadèmia saludat a Tziu Fideli Lai, cantadori a sa moda campidanesa de Cabuderra, chi s’at lassau custas diis. Gràtzias a issu e a is àterus cantadoris po su chi ant fatu po su campidanesu literàriu, chi est finas su mori anca eus caminau po ndi pesai is “Arrègulas” chi megaus de proponni po sa scridura de su campidanesu.
Leave a comment