Menhir

Sos Menhir, nugoresos, sun nàschidos in ’97 e nde faghen parte Kingaiè e Momak, artistas cun isperièntzias de importu in su hip-hop e breakdance, fintzas issos cantan in sardu. A comintzu de sos annos ’90 issos andan a Torinu pro triballiare paris cun artistas connotos in s’iscena hip-hop italiana. In su 2002, gràssias a su tribàlliu cun Dj Gruff, nde bogan a pizu su progetu “Pecorino sardo”, lompende a èssere connotos fintzas in continente. Sèmpere in su 2002 torran in Sardìnnia e binchen sa de 5 edissiones de su festival de sa cantone sarda bessinde-nde de gai una “pedra de contonada” de su rap sardu.

In su 2007 faghen unu cd intituladu Menhir inue sonan cun d-una paja de sos menzus artistas sardos: su tenore Angelo Caria, su jazzista Gavino Murgia, Simone Pala e Federica Gallus. Sas cantones faeddan de chistiones pruscheàteru sotziales, impreande pesadas chi sos arrapadores isterren lompende a fàghere acrobatzias lìricas craras in d-unu ritmu e una mùsica chi andat dae su rap a su funk, black music cundida e misturada cun sa mùsica de su connotu sardu. Su discu Abissi est de su 2015. In sos cuntzertos los acumpanzat Dj Lork e fatu-fatu musicistas de sa black music.

Come desideri visualizzare il sito web ?

Comente lu cheres bìdere su zassu web?