Istentales

Su nòmene de sa truma si riferit a un’isteddu aintro de Sos tres res, chi fit una ghia pro su tribàlliu de sos pastores e massajos. Naschen in su 1995 e incarrelan luego cun d-una produssione manna de 5 discos in 5 annos: Istentales (2005), Naralu tue (1996), Istentales sempre con voi (1997, discu live), Amsicora (2000).

S’impreu de sa limba sarda pro contare friguras ètnicas pruscheàteru ligadas a sa sardidade e sa vida de onzi die paris a sas chistiones chi tocan, a dolu mannu, s’istòria de sa Sardìnnia (disterru, scicutas, vangànsias e g. s.) l’an fatu a connòschere meda in totu s’ìsula. In su 1997 non los an leados pro s’isciòperu finale pro su Festival de Sanremo ca sa cantone issoro in limba sarda no andaiat bene pro sa lògica de su mercadu discogràficu, a su festival de sa cantone italiana.

Fintzas a oe no an mai mudadu zenia e trazu musicale, muntenende s’istile issoro e sighinde un’àndala artìstica coerente. Faghende crèschere onzi annu su pùbricu e faghende cuntzertos in totu sa Sardìnnia, fintzas pro batàllias sotziales e culturales. Amentamus, pro nàrrere, s’azudu a sos pastores terremotados de Càscia in su 2017 (Gigi Sanna etotu, boghe da sa truma, est pastore).

Come desideri visualizzare il sito web ?

Comente lu cheres bìdere su zassu web?