Sa Provìntzia de Casteddu at apariciau un’atòbiu de totu is operadoris de sa lìngua sarda de sa Provìntzia etotu, giòbia chi benit in sa sala de su parcu de Monti Craru a is 4 de a merii. Ddoi at a essi Gratzianu Milia su presidenti de sa Provìntzia, Oresti Pili su cordinadori de su portalitu de sa lìngua sarda, Francu Piras s’operadori de su portalitu e Marinella Lörinczi sa linguista de s’Universidadi de Casteddu. Custu atòbiu at a serbiri po chi is professionalidadis chi funt traballendi, ant traballau o iant a bolli traballai cun su sardu si connòsciant apari e intrint in d-un’arretza de cuntatus po si podi cordinai in totu is fainas de mandai ainnantis.
Atòbiu de is operadoris de sa Provìntzia de Casteddu
Cumentus in “Sardegna Democratica”
In custu “post” podeis agatai totu is cumentus chi s’Acadèmia at lassau in su giassu de “Sardegna Democratica” e is arrespustas chi ndi at tentu de su giassu etotu e de Elsa Giacobbe. No boleus aciungi àtera cosa a su chi eus giai nau, donniunu giudichit cunforma a is ideas suas. Su post insoru est custu. Acadèmia de su […]
Is Arrègulas in Nùgoro
“Ite nobas” su programa de Toninu Bussu in “Radio Nùgoro Centrale” at chistionau de s’avotu de sa Provìntzia de Casteddu apitzus de is “Arrègulas”. Gràtzias a Toninu e a su programa de issu po s’importu chi at donau a custu acontèssiu. Ligei-sì sa nova innoi in bàsciu. Die de importu mannu oje in Casteddu pro sa limba campidanesa Ischimus chi […]
Is Arrègulas in Cabuderra
In Cabuderra su comunu at apariciau duus cursus de formatzioni in lìngua sarda po is dipendentis comunalis, cun sa tenta de afortiai s’imperu de su sardu aìnturu de s’aministratzioni pùbrica. Funt finantziaus cun su dinai de sa lei 482/99. Is letzionis funt su martis e sa giòbia a mangianu. Su maistu est Màssimu Madrigale chi at a imperai is Arrègulas […]
Leave a comment