{"id":335,"date":"2010-04-27T18:41:25","date_gmt":"2010-04-27T16:41:25","guid":{"rendered":"http:\/\/academiadesusardu.wordpress.com\/?p=335"},"modified":"2010-04-27T18:41:25","modified_gmt":"2010-04-27T16:41:25","slug":"comunicau-comunicadu-comunicato","status":"publish","type":"post","link":"https:\/\/www.academiadesusardu.org\/srd\/comunicau-comunicadu-comunicato\/","title":{"rendered":"Comunicau Comunicadu Comunicato"},"content":{"rendered":"<p style=\"text-align:justify;\"><strong>COMUNICAU<\/strong><\/p>\n<p style=\"text-align:justify;\">S\u2019<em>Acad\u00e8mia de su Sardu onlus <\/em>si-ndi prexat de s\u2019afillamentu de  is <em>Arr\u00e8gulas po ortografia, fon\u00e8tica, morfologia e fuedd\u00e0riu de sa  Norma Campidanesa de sa L\u00ecngua Sarda<\/em>, avotada a tot\u00f2mini de su  Consillu Prov\u00ecntziali de Casteddu su 17 de martzu 2010.<\/p>\n<p style=\"text-align:justify;\">De imoi ainnantis at a essi custa sa norma de arreferimentu po totu  is comunicatzionis in sardu-campidanesu de sa Prov\u00ecntzia de Casteddu.<\/p>\n<p style=\"text-align:justify;\">De sa publicatzioni is <em>Arr\u00e8gulas<\/em> (18 de argiolas 2009) a  s\u2019afillamentu (17 de martzu 2010) nci funt passaus otu mesis, chi funt  serbius a intendi arraxonamentus e arregolli parrimentus asuba de sa  norma proposta, amostendi aici, de parti de sa Prov\u00ecntzia, gana de fai  sa cosa a manera democr\u00e0tica.<\/p>\n<p style=\"text-align:justify;\">Sa norma afillada su 17 de martzu no dda ant imbentada is Autoris de  is <em>Arr\u00e8gulas<\/em> o custa del\u00ecbera de sa Prov\u00ecntzia; nci at s\u00e8culus de  literadura sarda a nosi-dda amostai, s\u00e8culus chi funt finas su  fundamentu de custa proposta etotu. De s\u00e8culus custa literadura  s\u2019amostat e caminat a duas cambas; sa de su campidanesu e sa de su\u00a0  logudoresu, e custu est acont\u00e8ssiu de sei, ca ddu ant b\u00f2fiu is Sardus,  chi in sa st\u00f2ria ant s\u00e8mpiri prefertu de pigai custu s\u00e8tiu. Funt is  Sardus etotu chi nos\u2019inditant su s\u00e8tiu chi nosu seus faendi.<\/p>\n<p style=\"text-align:justify;\">Custu sceti est po nosu su tretu chi fait a fai: <em>una<\/em> l\u00ecngua  sarda, e torraus a nai <em>una<\/em>, a duas normas, sa norma campidanesa e  sa norma logudoresa, arrespetendi su connotu liter\u00e0riu e sa bolontadi  de is Sardus. Unu tretu impari chi arrespetat is difer\u00e8ntzias e  s\u2019arrichesa de sa l\u00ecngua sarda e no una l\u00ecngua pesada apitzus de  standard chena de st\u00f2ria e chena de literadura chi is Sardus no ant a  cumprendi mai.<\/p>\n<p style=\"text-align:justify;\">Campidanesu e logudoresu tenint sa pr\u00f2piu bellesa e sa pr\u00f2piu  dinnidadi. Ambaduus tenint una st\u00f2ria e una literadura, una sienda  stravanada chi depit essi su fund\u00f2riu de una pol\u00ectica lingu\u00ecstica  democr\u00e0tica diaderus e de unioni.<\/p>\n<p style=\"text-align:justify;\">Po imoi no nci funt is conditzionis po una norma sceti, ni s\u2019agatat  una lei italiana o europea chi nosi pongat a ddu fai e nimancu s\u2019agatat  unu guad\u00e0ngiu pol\u00ecticu. Castiendi a sa st\u00f2ria is Sardus ant ac\u00e8rriu is  duas normas, comenti nos\u2019amostat sa literadura sarda, e custu no at mai  strobau su si cumprendi apari, ni podit firmai su si ponni a pari de su  P\u00f2pulu Sardu de peruna manera, comenti nos\u2019amostant is esemprus  internatzionalis.<\/p>\n<p style=\"text-align:justify;\">Su sp\u00ecridu de una pol\u00ectica lingu\u00ecstica de unu standard a duas normas  est modernu e democr\u00e0ticu e cunforma su sp\u00ecridu de sa lei 482\/99 de su  Stadu italianu chi chistionat de minorias lingu\u00ecsticas st\u00f2ricas e duncas  campidanesu e logudoresu, po su sardu etanti, e no de \u00e0terus imbentus  lingu\u00ecsticus de achipi amarolla o de una fueddada sceti.<\/p>\n<p style=\"text-align:justify;\">Narendi custu nosu no boleus nai ca s\u2019\u00f2mini no potzat o depat lompi  in su tempus benidori a <em>una norma sceti<\/em>; po contras seus de su  parrimentu ca is Sardus <em>depint traballai<\/em> totus po ddoi lompi,  sceti ca sa norma, si est <em>una<\/em>, ndi depit bessiri a pillu de su  traballu de <em>totu is chi fueddant su sardu<\/em> e no de chini est  s\u00e8tziu in d-una mesa. In custa manera arrespetaus su chistionai de totus  e sa norma ndi bessit a pillu de sa conca e de sa l\u00ecngua de su p\u00f2pulu.  Custa est democratzia linguistica.<\/p>\n<p style=\"text-align:justify;\">Duncas nosi parint foras de su tempus e contras de sa democratzia  pensamentus comenti \u201c<em>una l\u00ecngua, una natzioni<\/em>\u201d, foras de sa  st\u00f2ria e fillas de su peus centralismu lingu\u00ecsticu a sa moda  napole\u00f2nica, po no nai tirannia. Sa Sard\u00ecnnia chi boleus nosu tenit  culturas medas e est arrespetosa de s\u2019arrichesa lingu\u00ecstica de su logu  suu.<\/p>\n<p style=\"text-align:justify;\">Emus a bolli chi su tretu chi seus faendi sighessit, cun is \u00e0terus  passus de ponni in custu mori, e chi s\u2019imp\u00ecnniu de sa Prov\u00ecntzia  podessit sighiri finas in sa legisladura noa e chi is \u00e0teras prov\u00ecntzias  puru podessint ponni infatu a s\u2019esempru bonu de sa de Casteddu.<\/p>\n<p style=\"text-align:justify;\"><strong>COMUNICADU<\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\">S\u2019<em>Acad\u00e8mia de su Sardu onlus <\/em>si-nde alligrat chi su Cossizu  Provinciale de Casteddu apat aprovadu, botande-las a una boghe, sas \u201c<em>Arr\u00e8gulas  po ortografia, fon\u00e8tica, morfologia e fuedd\u00e0riu de sa Norma Campidanesa  de sa L\u00ecngua Sarda<\/em>\u201d.<\/p>\n<p style=\"text-align:justify;\">Dae como in susu at a esser custa sa norma de riferimentu pro totu  sas comunicatziones in sardu campidanesu de sa prov\u00ecntzia de Casteddu.<\/p>\n<p style=\"text-align:justify;\">Dae sa publicatzione de sas \u201c<em>Arr\u00e8gulas<\/em>\u201d (18 de tr\u00eculas 2009) a  s\u2019aprovassione (17 martu 2010) che sun passados oto meses, chi sun  serbidos pro intender resonos e collire parrer subra de custa proposta,  mustrande\u00a0 goi,\u00a0 dae parte de sa Prov\u00ecntzia, s\u2019idea de fagher sa cosa in  manera democr\u00e0tica.<\/p>\n<p style=\"text-align:justify;\">Sa norma aprovada su 17 de martu non l\u2019an imbentada sos Autores de  sas \u201c<em>Arr\u00e8gulas<\/em>\u201d o custa del\u00ecbera de sa Prov\u00ecntzia; ma sun sos  s\u00e8culos de literadura sarda a no-las amustrare, s\u00e8culos chi fin finas  sos fundales de custa proposta etotu. Dae s\u00e8culos custa literadura si  mustrat e caminat a duas cambas: sa de su campidanesu e sa de su  logudoresu, e custu est capitadu de sesi, ca l\u2019an ch\u00e8rfidu sos Sardos,\u00a0  chi in s\u2019ist\u00f2ria an semper seberadu de sighire custu caminu. Fin sos  Sardos etotu chi nos an inditadu su caminu chi nois semus sighinde!<\/p>\n<p style=\"text-align:justify;\">Custu solu est su caminu chi nos tocat a fagher: <em>una<\/em> limba  sarda,\u00a0 e torramus a narrer <em>una<\/em>, cun duas normas, sa norma  campidanesa e sa norma logudoresa, sighinde sos inditos de sa literadura  e sa bolontade de sos Sardos. Unu caminu paris chi respetat sas  difen\u00e8ssias e sa richesas de sa limba e no una limba fraigada e serrada  inintro unu standard chene ist\u00f2ria e chene literadura chi sos Sardos no  an a cumprender mai.<\/p>\n<p style=\"text-align:justify;\">Campidanesu e logudoresu tenen cadaunu sa bellesa e sa dinnidade sua.  Ambasduas tenen un\u2019ist\u00f2ria e una literadura, una sienda manna e larga  chi depet esser sa pranta inue fundare sa pol\u00ectica limb\u00ecstica  democr\u00e0tica aberu e de aunione.<\/p>\n<p style=\"text-align:justify;\">Pro como non bi sun sas condissiones pro seberare una norma sola, ne  s\u2019agatat una leze italiana o europea chi nos oblighet a lu fagher\u00a0 e non  b\u2019est mancu unu balanzu pol\u00ecticu. Si apompiamus s\u2019ist\u00f2ria, sos Sardos  an seberadu sas duas normas, comente nos dimustrat sa literadura sarda, e  custu no est istadu\u00a0 mai\u00a0 de\u00a0 istrobu pro nos cumprender apare, ne  podet blocare s\u2019unidade de su p\u00f2pulu sardu\u00a0 in peruna manera, comente  nos dimustran sos es\u00e8mpios internatzionales.<\/p>\n<p style=\"text-align:justify;\">S\u2019idea de una pol\u00ectica limb\u00ecstica de unu istandard cun\u00a0 duas normas  est modernu e democr\u00e0ticu e respetat sos inditos de sa leze 482\/99 de  s\u2019Istadu Italianu chi chistionat de minorias limb\u00ecsticas ist\u00f2ricas e  duncas de logudoresu e de campidanesu, pro su sardu, e non de \u00e0teros  imbentos limb\u00ecsticos cun imp\u00f2sitos a malagana o de una manera sola de la  faeddare.<\/p>\n<p style=\"text-align:justify;\">Narande custu nois no est chi non cherimus chi si potat o depat  arribare unu cras a una norma ebia, antzis semus de su parrer chi sos  Sardos depan traballare totus paris pro arribare pr\u00f2priu a una norma  sola, ma custa depet essire a campu dae sos chi faeddan su sardu e non  depet esser su frutu de chie si l\u2019imbentat s\u00e8tiu in d-una mesa. In custu  modu respetamus su chistionare de totus e sa norma est frutu de sos  pessos e de sa limba de su p\u00f2pulu. Custa est democratzia limb\u00ecstica.<\/p>\n<p style=\"text-align:justify;\">Duncas nos paren foras de su tempus e contra de sa democratzia pessos  comente \u00ab\u00a0una limba, una natzione\u00a0\u00bb, foras de s\u2019ist\u00f2ria e fizas de su  peus centralismu limb\u00ecsticu a sa moda de Napoleone, pro non chistionare  de tirannia. Sa Sard\u00ecnnia chi cherimus nois, tenet medas culturas e est  rispetosa de sas richesas limb\u00ecsticas de su logu suo.<\/p>\n<p style=\"text-align:justify;\">Diemus cherrer chi su tretu de caminu chi semus faghende sighet, cun  sos \u00e0teros passos e chi s\u2019imp\u00ecnniu de sa prov\u00ecntzia de Casteddu potat  sighire finas in sa legisladura noa e chi sas \u00e0teras prov\u00ecntzias puru  esseren postu fatu a su bonu es\u00e8mpiu de sa de Casteddu.<\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong> <\/strong><\/p>\n<p style=\"text-align:justify;\"><strong>COMUNICATO<\/strong><\/p>\n<p style=\"text-align:justify;\"><em> <\/em>L\u2019<em>Acad\u00e8mia de su Sardu onlus <\/em>saluta con soddisfazione  l\u2019adozione delle <em>Arr\u00e8gulas po ortografia, fon\u00e8tica, morfologia e  fuedd\u00e0riu de sa Norma Campidanesa de sa L\u00ecngua Sarda<\/em>, votata  all\u2019unanimit\u00e0 da parte del Consiglio Provinciale di Cagliari il 17 marzo  2010.<\/p>\n<p style=\"text-align:justify;\">D\u2019ora in avanti sar\u00e0 questa la norma di riferimento per tutte le  comunicazioni in sardo-campidanese della Provincia di Cagliari.<\/p>\n<p style=\"text-align:justify;\">Dalla pubblicazione del libro <em>Arr\u00e8gulas <\/em>(18 luglio 2009)  all\u2019adozione (17 marzo 2010), sono trascorsi otto mesi, utili ad aprire  un dibattito e cogliere pareri, dimostrando cos\u00ec, da parte della  Provincia, la volont\u00e0 di fare le cose in modo democratico.<\/p>\n<p style=\"text-align:justify;\">La norma adottata il 17 marzo non \u00e8 stata inventata dagli Autori  delle <em>Arr\u00e8gulas<\/em> o da questa delibera della Provincia, e sono l\u00e0 a  dimostrarlo secoli di letteratura sarda, i quali sono anche la base  della proposta stessa. Da secoli questa letteratura \u00e8 bipartita, in  campidanese e in logudorese, e ci\u00f2 \u00e8 avvenuto spontaneamente per volere  dei Sardi, che hanno storicamente preferito questa soluzione. Sono i  Sardi stessi dunque che ci indicano il cammino che noi ora stiamo  percorrendo.<\/p>\n<p style=\"text-align:justify;\">Questo \u00e8 per noi l\u2019unico cammino possibile: <em>una <\/em>lingua sarda, e  ripetiamo <em>una<\/em>, con due norme, la norma campidanese e la norma  logudorese, nel rispetto della tradizione letteraria e della volont\u00e0 dei  Sardi. Un cammino comune nel rispetto delle differenze e della  ricchezza della lingua sarda e non costruita su degli standard senza  storia e senza letteratura che i Sardi non potranno mai accettare.<\/p>\n<p style=\"text-align:justify;\">Campidanese e logudorese hanno pari bellezza e pari dignit\u00e0. Entrambi  hanno una storia e letteratura, un patrimonio straordinario che deve  essere la base di una politica linguistica veramente democratica e di  unione.<\/p>\n<p style=\"text-align:justify;\">Non esistono al momento le condizioni per una sola norma, n\u00e9 esiste  una particolare legge italiana o europea che lo imponga e nemmeno esiste  un\u2019opportunit\u00e0 politica. Storicamente i Sardi hanno preferito la doppia  norma, come dimostra la letteratura sarda, e questo non ha mai impedito  la reciproca comprensione n\u00e9 pu\u00f2 ostacolare l\u2019unione del Popolo Sardo  in nessun modo, come ci dimostrano gli esempi internazionali.<\/p>\n<p style=\"text-align:justify;\">Lo spirito di una politica linguistica di uno standard a doppia norma  \u00e8 moderno e democratico e conforme allo spirito della legge 482\/99  dello Stato Italiano che parla di minoranze linguistiche storiche e  quindi campidanese e logudorese, nel caso sardo, e non di altre  invenzioni linguistiche calate dall\u2019alto o di una\u00a0 sola macro-variante.<\/p>\n<p style=\"text-align:justify;\">Con ci\u00f2 non si vuol dire che non si possa o debba giungere un domani  ad <em>una<\/em> <em>norma unica<\/em>; anzi crediamo che sia doveroso che i  Sardi si impegnino tutti a raggiungere quest\u2019obiettivo, ma la <em>norma  unica<\/em> deve essere il risultato di un lavoro dei parlanti e non il  risultato di chi sta dietro una scrivania. In questo modo rispettiamo la  parlata di tutti e la norma sar\u00e0 frutto dei pensieri e della lingua del  popolo. Questa \u00e8 democrazia linguistica.<\/p>\n<p style=\"text-align:justify;\">Dunque ci paiono anacronistici e antidemocratici slogan del tipo <em>una  lingua, una nazione<\/em>, antistorici e figli del peggiore centralismo  linguistico di stampo napoleonico per non dire tirannico. La Sardegna  che vogliamo noi \u00e8 multiculturale e rispettosa della ricchezza  linguistica del suo territorio.<\/p>\n<p style=\"text-align:justify;\">Auspichiamo che il cammino intrapreso continui, con gli altri passi  da compiere in questo senso, e che l\u2019impegno della Provincia abbia  continuit\u00e0 anche nella nuova legislatura e che cos\u00ec pure le altre  province sarde possano seguire il buon esempio di quella di Cagliari.<\/p>\n","protected":false},"excerpt":{"rendered":"<p>COMUNICAU S\u2019Acad\u00e8mia de su Sardu onlus si-ndi prexat de s\u2019afillamentu de is Arr\u00e8gulas po ortografia, fon\u00e8tica, morfologia e fuedd\u00e0riu de sa Norma Campidanesa de sa L\u00ecngua Sarda, avotada a tot\u00f2mini de su Consillu Prov\u00ecntziali de Casteddu su 17 de martzu 2010. De imoi ainnantis at a essi custa sa norma de arreferimentu po totu is comunicatzionis in sardu-campidanesu de sa [&hellip;]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":[],"categories":[335],"tags":[36,90],"_links":{"self":[{"href":"https:\/\/www.academiadesusardu.org\/srd\/wp-json\/wp\/v2\/posts\/335"}],"collection":[{"href":"https:\/\/www.academiadesusardu.org\/srd\/wp-json\/wp\/v2\/posts"}],"about":[{"href":"https:\/\/www.academiadesusardu.org\/srd\/wp-json\/wp\/v2\/types\/post"}],"author":[{"embeddable":true,"href":"https:\/\/www.academiadesusardu.org\/srd\/wp-json\/wp\/v2\/users\/2"}],"replies":[{"embeddable":true,"href":"https:\/\/www.academiadesusardu.org\/srd\/wp-json\/wp\/v2\/comments?post=335"}],"version-history":[{"count":0,"href":"https:\/\/www.academiadesusardu.org\/srd\/wp-json\/wp\/v2\/posts\/335\/revisions"}],"wp:attachment":[{"href":"https:\/\/www.academiadesusardu.org\/srd\/wp-json\/wp\/v2\/media?parent=335"}],"wp:term":[{"taxonomy":"category","embeddable":true,"href":"https:\/\/www.academiadesusardu.org\/srd\/wp-json\/wp\/v2\/categories?post=335"},{"taxonomy":"post_tag","embeddable":true,"href":"https:\/\/www.academiadesusardu.org\/srd\/wp-json\/wp\/v2\/tags?post=335"}],"curies":[{"name":"wp","href":"https:\/\/api.w.org\/{rel}","templated":true}]}}