Oi su gr de \u201cRadio Sardinia\u201d at torrau a chistionai de s\u2019aprovu de su standard campidanesu de is Arr\u00e8gulas. In b\u00e0sciu totu su comunicau.<\/p>\n
Su Consillu provinciali de Casteddu at aprovau a s\u2019unanimidadi ariseu in sa setziada cosa sua s\u2019adotzioni de Arr\u00e8gulas po ortografia, fon\u00e8tica, morfologia e fuedd\u00e0riu de sa Norma Campidanesa de sa L\u00ecngua Sarda scritas de su Comitau Scient\u00ecficu po sa Norma Campidanesa de su Sardu Standard, cumenti e standard ufitziali de sa scridura in sardu Campidanesu.<\/em><\/p>\n Siat su presidenti Milia chi is atrus consilleris ant postu in craru in is interventus cosa insoru s\u2019importu cuncretu e simb\u00f2licu de custu grandu passu chi sa Prov\u00ecncia de Casteddu at detz\u00ecdiu de fai, bantendi su grandu traballu chi at fatu s\u2019Acad\u00e8mia de su sardu. Cumunu s\u2019arreconnoscimentu de una d\u00f2pia norma de su sardu puru. In Casteddu is sardus chistionant e depint scriri in campidanesu.<\/em><\/p>\n Ant fatu puru unas cantu cunsideratzionis st\u00f2ricas narendi ca su sardu arriscat de si sperdi poita ca ddu chistionaus s\u00e8mpiri prus pagu, prus de totu is gi\u00f2vunus. Is consilleris puru ant chistionau totus in italianu, sceti Palmas e Monni ant chistionau in sardu.<\/em><\/p>\n Su presidenti Milia at fatu s\u2019es\u00e8mpiu cosa suu narendi ca a printz\u00ecpiu de is annus \u201880 issu e totu fut st\u00e8tiu cr\u00ecticu meda po sa pol\u00ectica de is catalanus chi iant postu sa l\u00ecngua insoru in is istitutzionis p\u00f9bricas arrischendi de \u201cprovincializai\u201d tropu sa regioni cosa insoru. Ma oi bireus ca no est aici e ca nci funt arran\u00e8scius a cresci economicamenti e culturalmenti e ant afortiau s\u2019identidadi insoru cun is elementus fundamentalis de sa l\u00ecngua e de sa st\u00f2ria de su p\u00f2pulu.<\/em><\/p>\n