{"id":132,"date":"2009-07-16T12:38:42","date_gmt":"2009-07-16T10:38:42","guid":{"rendered":"http:\/\/academiadesusardu.wordpress.com\/?p=132"},"modified":"2009-07-16T12:38:42","modified_gmt":"2009-07-16T10:38:42","slug":"arrelata-de-giacu-meloni","status":"publish","type":"post","link":"https:\/\/www.academiadesusardu.org\/src\/arrelata-de-giacu-meloni\/","title":{"rendered":"Arrelata de Giacu Meloni"},"content":{"rendered":"

S’arrelata chi Giacu Meloni, su segret\u00e0riu de sa CSS, at l\u00ecgiu eriseru in su Consillu Regionali po s’at\u00f2biu chi ant fatu po arraxonai de sa crisi de sa ch\u00ecmica in Sard\u00ecnnia. Grandu merescimentu de su segret\u00e0riu chi at sceberau de chistionai in sardu, finas scriendi s’arrelata sua cunforma a is inditus de s’Acad\u00e8mia e de is Arr\u00e8gulas.
\nSa furriadura in sardu est de\u00a0Ivo Murgia<\/strong><\/a>.<\/p>\n

\n

SALUDU A SA PRESIDENTI DE SU CONSILLU REGIONALI DE SARD\u00ccNNIA
\nSALUDU A TOTU IS RAPRESENTANTIS DE SU P\u00d2PULU SARDU<\/strong><\/p>\n

\n

Sa cunfederatzioni sindacali sarda de 24 annus assumancu, de candu est n\u00e0scia, est denuntziendi sa crisi de sa ch\u00ecmica in Sard\u00ecnnia. Imoi est ora de nai sa cosa comenti est. Sa ch\u00ecmica in Sard\u00ecnnia est spaciada! E incapas est spaciada in Marghera puru, poita s\u2019ENI at totu cambiau su pianu suu de is imbistimentus e est ghetendi-s\u00ec a is energias noas e l\u00ecmpias.
\nIs Sardus ant sp\u00e8ndiu unu sciacu mannu de dinai in custu setori: 2.800 milliardus de is francus b\u00e8cius (sa lira italiana), si-ddus at donaus a Rovelli, in su 1997, su Cr\u00e8ditu Industriali Sardu, po ndi pesai is impiantus de Portu Durra (Porto Torres) e s\u2019IMI iat d\u00e8piu donai \u00e0terus 1.000 milliardus de licuidatzioni a sa fam\u00ecllia Rovelli. Giai in is annus \u201990 s\u2019ENI iat incumentzau s\u2019arrevolutzioni tennol\u00f2gica in is impiantus suus prus importantis e candu iat torrau a assetiai sa cosa, d\u00f2nnia borta po sa Sard\u00ecnnia boliat nai a nci perdi postus de traballu. De unu contu chi eus fatu nosu, ndi est bessiu a pillu chi po sa ch\u00ecmica in Sard\u00ecnnia eus sp\u00e8ndiu su tanti de duus pianus de Rinascita.
\nSu chi ndi eus tentu comenti a stip\u00e8ndius o \u00e0teru guad\u00e0ngiu econ\u00f2micu po su logu nostu est tropu pagu e no abastat mancu a arrangiai su dannu chi s\u2019at lassau s\u2019ind\u00f9stria de s\u2019ENI po su chi spetat a s\u2019ambienti o a is maladias, c\u00e0ntzeru etc., chi s\u2019agataus aundi totu ant traballau is ind\u00f9strias. Sa positzioni de sa CSS est crara.
\nNosu boleus s\u2019unioni de su p\u00f2pulu sardu po sa chistioni chi seus arrexonendi oi, cun custas cunditzionis:
\n1<\/strong> A nci bogai de s\u2019\u00ecsula nosta a s\u2019ENI cun dinnidadi e firmesa. Nosu Sardus si-ndi depeus stantargiai po nci bogai a s\u2019ENI, chi at fatu dannu meda in Sard\u00ecnnia. Naraus cun craresa, arremonendi a su poeta latinu Virg\u00ecliu, \u201cTimeo Danaos et dona ferentes \u201d. No si penseus una cosa chi no est, s\u2019ENI s\u2019iat a podi arrendi puru a su chi bolit sa pol\u00ectica o su sindacau o su p\u00f2pulu, mancai lassendi in Sard\u00ecnnia is traballus peus, is prus chi imbrutant su logu, is chi nemus bolit prus in Europa. E custu puru est un\u2019arregalu aferenau, poita iat a bolli nai a spendi \u00e0teru dinai, meda, po su Stadu o po sa Regioni, e is postus de traballu chi s\u2019iant a aturai iant a essi pagu cosa diaderus, forsis po unus cantu mesis sceti, comenti est giai capitau in su tempus passau.
\n2<\/strong> S\u2019ENI paris cun su Guvernu de sa Rep\u00f9brica, chi po mesu de su Minist\u00e8riu de su Tesoru est unu de is atzionistas suus prus mannus, prima de si-ndi andai, si depit pagai totu su dannu chi s\u2019at fatu.
\n3<\/strong> Is espertus de sa Regioni depint carculai su dinai de depi pediri a su Stadu e custu dinai bolit torrau a imbistiri po limpiai su logu e po ddu torrai comenti fiat prima.
\nGhetaus su bandu po ca is gi\u00f2vunus nostus, laureaus in ingennieria, biologia, geologia etc. e is operajus nostus agatint traballu luegus in is traballus de bon\u00ecfica. Segundu is c\u00e0rculus nostus, nci est traballu po 20 annus assumancu.
\nSa Regioni depit imbistiri in s\u2019energia l\u00ecmpia, soli e bentu ainnantis de totu, arrespetendi sa bellesa de su logu. No aceteus cun fortza s\u2019idea de ndi mandai a innoi s\u2019\u00e0liga nucleari, ma penseus ca seus un\u2019\u00ecsula de turismu.
\nImpereus is pannellus de su fotovolt\u00e0icu in is zonas industrialis chi no funt traballendi prus e chi funt adanniadas, po mala sorti nosta.
\nPromovaus un\u2019arreforma bera po modernizai su traballu de su messaju e de su pastori pondendi-ddus in cuntatu cun s\u2019industria po traballai is produtus nostus de su sartu e de su besti\u00e0mini. Imbistaus in sa pisca, in su turismu de is cungressus e culturali a totu annu, in s\u2019artisanau cun is cuncursus tem\u00e0ticus.
\nAfortieus su tess\u00ecngiu, movendi de sa Legler chi bolit torrada a ponni in motu, e su tapetu sardu aicietotu.
\nTorreus a fai caminai s\u2019economia de sa connosc\u00e8ntzia e de is tennologias noas e modernas, ponendi stima a s\u2019abil\u00e8ntzia de is gi\u00f2vunus nostus.
\nNo est nau chi, andendi beni custas cunditzionis, abascendi su PIL si depat abasciai su tenori de vida de is Sardus puru! No pongaus in menti a custu mitu de su PIL!
\nSu boboi est spaciau po s\u2019ENI in Sard\u00ecnnia, anca at fatu dinareddu e s\u2019at lassau morti e dannu. Est printzipiendi oi, sa festa nosta bera. Nosu Sardus depeus imperai custa crisi internatzionali po cambiai p\u00e0gini e pensai a unu svilupu nou.
\nFesta de su P\u00f2pulu Sardu poita eus agatau s\u2019unioni torra.
\nFesta poita si seus incarrerendi in su mori de su svilupu nostu beru.
\nL\u00ecberus de guvernai su svilupu de sa terra nosta, arrespetendi su logu, is comunidadis, sa genti.
\nSigurus de aberri una caminera de benistai e de prexu po custu p\u00f2pulu nostu e po sa Natzioni Sarda.<\/p>\n

<\/strong><\/p>\n

Casteddu, su 15 de mesi de argiolas de su 2009<\/strong><\/p>\n

Po sa Delegatzioni Sindacali de sa CSS
\nSu Segret\u00e0riu Generali de sa CSS<\/em>
\nDott. Giacu Meloni<\/strong><\/p>\n","protected":false},"excerpt":{"rendered":"

S’arrelata chi Giacu Meloni, su segret\u00e0riu de sa CSS, at l\u00ecgiu eriseru in su Consillu Regionali po s’at\u00f2biu chi ant fatu po arraxonai de sa crisi de sa ch\u00ecmica in Sard\u00ecnnia. Grandu merescimentu de su segret\u00e0riu chi at sceberau de chistionai in sardu, finas scriendi s’arrelata sua cunforma a is inditus de s’Acad\u00e8mia e de is Arr\u00e8gulas. Sa furriadura in […]<\/p>\n","protected":false},"author":2,"featured_media":0,"comment_status":"open","ping_status":"open","sticky":false,"template":"","format":"standard","meta":[],"categories":[4,8],"tags":[38],"_links":{"self":[{"href":"https:\/\/www.academiadesusardu.org\/src\/wp-json\/wp\/v2\/posts\/132"}],"collection":[{"href":"https:\/\/www.academiadesusardu.org\/src\/wp-json\/wp\/v2\/posts"}],"about":[{"href":"https:\/\/www.academiadesusardu.org\/src\/wp-json\/wp\/v2\/types\/post"}],"author":[{"embeddable":true,"href":"https:\/\/www.academiadesusardu.org\/src\/wp-json\/wp\/v2\/users\/2"}],"replies":[{"embeddable":true,"href":"https:\/\/www.academiadesusardu.org\/src\/wp-json\/wp\/v2\/comments?post=132"}],"version-history":[{"count":0,"href":"https:\/\/www.academiadesusardu.org\/src\/wp-json\/wp\/v2\/posts\/132\/revisions"}],"wp:attachment":[{"href":"https:\/\/www.academiadesusardu.org\/src\/wp-json\/wp\/v2\/media?parent=132"}],"wp:term":[{"taxonomy":"category","embeddable":true,"href":"https:\/\/www.academiadesusardu.org\/src\/wp-json\/wp\/v2\/categories?post=132"},{"taxonomy":"post_tag","embeddable":true,"href":"https:\/\/www.academiadesusardu.org\/src\/wp-json\/wp\/v2\/tags?post=132"}],"curies":[{"name":"wp","href":"https:\/\/api.w.org\/{rel}","templated":true}]}}